Javier Perez de Cuéllar fimmti aðalframkvæmdastjóri Sameinuðu þjóðanna er látinn hundrað ára að aldri.
Perez de Cuéllar var stjórnarerindreki, lögfræðingur og prófessor frá Perú, fæddur í Lima 19.janúar 1920. Hann er eini Suður-Ameríkumaður sem hefur gegnt starfi aðalframkvæmdastjóra Sameinuðu þjóðanna, 1982-1991.
Hann lifði ekki aðeins í heila öld heldur spannar líf hans alla sögu Sameinuðu þjóðanna. Hann var í hópi fulltrúa á fyrsta Allsherjarþingi samtakanna árið 1946.
Miilliríkjadeilur
Þegar hann tók við embætti var eitt fyrsta verkefni hans að stýra spennuþrungnum viðræðum á milli Breta og Argentínumanna. Þeir deildu um yfirráð yfir Falklandseyjum/Malvinas.
„Pérez de Cuéllar náði umtalsverðum árangri með diplómatískum aðgerðum. Nefna má þegar Namibía hlaut sjálfstæði, bundinn var endi á stríð Íraks og Írans og bandarískir gíslar látnir lausir í Líbanon. Friði var komið á í Kambódíu og á síðustu dögum hans í embætti samþykkt sögulegs friðarsamkomulags í El Salvador“, sagði António Guterres núverandi aðalaframkvæmdastjóri Sameinuðu þjóðanna í yfirlýsingu.
Á öðru kjörtímabili hans voru sovéskir hermenn kallaðir heim frá Afganistan og hann átti þátt í að koma á pólitískum stöðugleika í Nikaragúa.