A-Ö Efnisyfirlit

Fordæmi Kína sýnir að hægt er að  „stöðva kórónaveiruna”

Reynsla Kína af því að hamla útbreiðslu kórónaveirunnar er öðrum ríkjum til eftirbreytni sem nú glíma við COVID-19 faraldurinn að sögn yfirmanns WHO, Alþjóða heilbrigðismálastofnunarinnar í Beijing.

Þótt fjöldi COVID-19 greindra sé komið yfir 180 þúsund í heiminum, þá fer tilfellum fækkandi í Kína. Þetta sýnir að tökum hefur verið náð á útbreiðslunni, að mati Dr. Gauden Galea fulltrúa WHO í Kína.

„Náð hefur verið tökum á faraldrinum og aukningin stöðvuð,“ segir Dr. Galea.

„Þetta er sá lærdómur sem við getum dregið af þessu: útbreiðslan þarf ekki að ná slíku hámarki að það lami heilbrigðiskerfið. Reynslan af hömlun útbreiðslu getur nýst öðrum ríkjum sem geta lagað hana að sínum eigin aðstæðum.“

Greina, greina, greina

COVID-19
Kórónaveiran COVID-19

 Tedros Adhanom Ghebreyesus forstjóri WHO lagði áherslu á mikilvægi greininga á daglegum blaðmannafundi sínum í gær.

„Öflugasta leið til þess að hindra smit og bjarga mannslífum er að brjóta upp smitleiðirnar. Og til þess að svo megi verða þarf að greina smit og einangra,“ sagði WHO forstjórinn: „Enn á ný eru skilaboð okkar, greina, greina, greina.“

WHO hefur ítrekað harmað að sum ríki hafi dregið lappirnar í því að greina, einangra og rekja samskipti smitaðra.

Það er ekki nóg að fylgja ráðleggingum um hegðun einstaklinga svo sem að halda sig í vissri fjarlægð frá öðrum, þvo hendur reglulega og hósta í olnbogannn, að mati Tedros Adhanom Ghebreyesus, til þess að „uppræta faraldurinn.“

„Það getur enginn slökkt eld með bundið fyrir augun,“ sagði forstjóri WHO: „Við getum ekki stöðvað faraldurinn ef við vitum ekki hver er smitaður.“

WHO hefur sent eina og hálfa milljón COVID-19 prófa til 120 ríkja til þess að mæta eftirspurn og vinnur að því í samvinnu við fyrirtæki að útvega öllum próf sem þurfa.

Fréttir

Virkar bólusetning við lungnabólgu gegn kórónaveirunni?

Mikið af upplýsingum um COVID-19 ganga manna á milli á netinu. Sumt er skaðlaust...

COVID-19 er mesta þolraun í sögu Sameinuðu þjóðanna

António Guterres aðalframkvæmdastjóri Sameinuðu þjóðanna kynnti í gær nýja áætlun til að takast á...

Ísland styður vopnahlé um allan heim

Ísland hefur tekið undir yfirlýsingu 53 ríkja sem styðja ákall aðalframkvæmdastjóra Sameinuðu þjóðanna, António...

Svíþjóð: RnB og rapp til höfuðs COVID-19

Sænsk yfirvöld færa sér í nyt vinsældir hip hop og RnB listamanna til að...

Alþjóðlegi kvennadagurinn 2020: við erum #JafnréttisKynslóðin