Hungur. Matvælaaðstoð. Matvælaáætlun Sameinuðu þjóðanna (WFP) er stærsta mannúðarstofnun heims, sem bjargar mannslífum með matvælaaðstoð.
Hér eru 12 staðreyndir um WFP:
1.
WFP starfar í rúmlega 120 ríkjum og svæðum. Árið 2023 veitti stofnunin 152 milljónum manna aðstoð, 53% voru konur og stúlkur.
2.
Á hverjum degi flytja 5000 vöruflutningabílar, 20 skip og 132 flugvélar á vegum WFP mat og annars konar hjálpargögn til ýmissa afskekktra og hættulegra staða í heiminum.
3.
WFP er fremst í víglínu heimsatburða og tekst á við vanda sem skapast af völdum átaka, náttúruhamfara, farsótta og annars konar hamfara. Á síðasta ári kom WFP 47 sinnum il aðstoðar í neyðarástandi sem skapaðist í 32 ríkjum.
4.
WFP sér 21 milljón barna fyrir skólamáltíðum og tryggir þeim ekki aðeins næringarríkan mat heldur einnig aðgang að menntun, sem kann að breyta lífi þeirra.
5.
WFP fékk 8.3 milljarða dala fjárveitingar árið 2023. Stofnunin hefði þurft 64% meira fé eða 22.8 milljarða til að koma öllum þeim til hjálpar sem hún sinnir. Þetta er mesta bil á milli þarfa og fjármögnunar sem um getur hjá WFP. Því miður hefur þurft að mæta með því að skera enn frekar niður matvælaastoð til bágstadds fólks.
6.
WFP keypti 90 þúsund tonn af mat af smábændum að andvirði 56 milljóna Bandaríkjadala í 24 ríkjum árið 2023.
7.
WFP studdi 9 milljónir manna við að búa til ræktarland eða skapa sér lífsviðurværi. 377 þúsund hektarar lands voru endurreistir og tré gróðursett á 4200 hekturum lands. Lagðir voru 7200 kílómetra langir vegir og slóðar .
Tadjikistan: kona þvær ferska ávexti. Komið hefur verið upp áveitukerfi til að gera fólki kleift að skapa sér lífsviðurværi í fjalllendi. Mynd: WFP/Giulio d’Adamo
8.
WFP hjálpaði nærri 101 milljón manna með 3.7 tonnum matvæla árið 2023. Það eru 2/3 þeirra sem WFP kom til hjálpar með einum eða öðrum hætti í 72 ríkjum það ár.
9.
WFP keypti 60 prósent matvæla sem notuð voru til neyðaraðstoðar á staðbundnum mörkuðum árið 2023 að andvirði 1.1 milljarðs Bandaríkjadala. Með þessu sparast fé og tími við flutninga og stutt er við bakið á hagkerfinu á staðnum.
10.
WFP veitir fjárstyrki að andvirði 2.9 milljarða dala í reiðufé eða ávísunum og eykur þannig val neytenda og eflir staðbundna markaði. 51.6 milljón manna naut slíkrar aðstoðar á síðasta ár.
11.
WFP aðstoðaði nærri 18 milljónir manna við að búa sig undir, bregðast við eða ná sér eftir loftslagshamfarir hvers konar árið 2023. Þar á meðal má nefna tryggingabætur að upphæð 17.8 milljóna dala til fólks sem orðið hefur fyrir búsifjum af völdum þurrka, flóða og hitabeltis-fellibylja.
12.
Árið 2023 aðstoðaði WFP 27 milljónir mæðra og barna til að koma í veg fyrir vannæringu eða bregðast við henni á fyrstu þúsund ævidögum barna.
Hér má styrkja WFP.